有關我的十六項事情詳細版 1. 以前一度好鐘意收同send果d forward message比人，果陣覺得幾好玩，但之後收得多又覺得好煩又超無聊，覺得自己唔應該咁無聊就停左...尤其d咩 '唔send就唔合格' 之類果d message，作果個人咁黑心大家就咪Q理佢啦... 而家收到我覺得meaning幾好既forward message，我會delete晒後面成抽叫你forward比其他人既說話，甚至改一改編先會send出去！ ！ 2. 由唔知幾時開始，我已經肯定左自己係鐘意男仔既XDD 就算本人似男仔都係咁XD 因為直到而家都仲係有比人問=.= 有時真係想答...其實我自戀架，淨係鐘意自己咋吹~~XDDD 3. 講減肥講左6年左右都無認真做過任何野去達成呢個目標，仲反而繼續增加體重... 無計，我堅鐘意食野，有好野食一定唔會放過，I enjoy eating... 無得食既話我係會死的。不過，我又唔係肥到去一個好嚴重既地步，都算係咁啦。 4. 好多朋友都同我講，我比人既第一印象好cool、嚴肅甚至有d生人勿近feel... 但熟左之後就覺得我其實好nice好friendly (讚自己XD)。其實我幾鐘意d人由覺得我cool到發現我其實唔係cool呢個過程，可以了解我多d，又證明我有唔同形象 XDD 有人問過我：咁你咪嚇走好多人lor？ 跟住我心諗，咁點解d人覺得我cool仲會繼續想同我熟呢~~~~呵~~ 然後其實我笑點好低，唔好比我個冷靜cool樣坤到。但我笑既野未必係你笑既野。 5. 都幾有'反叛'心態...你話我做唔到咩，我就做比你睇；你覺得我唔似咩，我又做比你睇。唔該重新評估。 6. 細個果陣既夢想甚至理想，都係做天文學家。上到中四之後見到既physics... 就知自己pk了。然後當時直到第二年中六既下學期，我都話要做營養師，之後就知自己收得皮，唔會入到6901。跟住就無再諗理想呢d野，覺得應該活在當下，我掂咩咪做咩lor~ 響無能力既時候仲講咩興趣~~ 不過到而家都有睇天文書XDD 7. 比N個人話我粗魯，但我又無改善既跡象... 乜女仔一定要斯文架咩？點可以咁封建一定要監女仔係斯文呢？個個女仔都係斯文既話咁呢個世界咪好寡，枯燥乏味lor。有d男仔好鄙視粗魯既女仔，咁我好想問，乜你而家好好咩？呢d對己鬆對人嚴既，唔該收皮啦。 8. 但係同時有女仔會覺得我溫柔。梗係啦，我偏心架嘛，不嬲對女仔都好好既~XD 尤其讀咁多年女校，有時成班女仔出街，我就會好自然覺得自己要係一個男仔角色，要gentleman d，要好好照顧佢地保護佢地，唔可以比色狼埋佢地身咁... 但其實無乜人feel到... 好慘XDD 不過而家佢地講既溫柔已經唔係呢種。咁我就不能理解啦，溫柔呢兩個字竟然用黎形容我？？多謝worXDD 9. 從來都覺得靚仔係用黎睇唔係用黎做男朋友既，況且我都無咁既能力XDD 10. 好鐘意聽歌睇戲。其實基本上我任何音樂類型都會聽...有時同老豆一齊聽發燒碟，有時同細佬一齊爆佢d英文rock歌，有時就自己係咁聽Jpop同Jrock...電影既話，之前比較鐘意睇西片多d，因為d題材好似廣d~ 不過呢排我開始係，只要成個故事有意思或者題材特別既電影，無論係邊度出既我都會睇~~得閒可以約我睇戲架XDD 11. 我好鐘意自己個生肖同星座。我係龍年既獅子座~ 龍係虛構出黎既一種德高望重既生物，獅子又係萬獸之王，個feel好正XDD 我有隻獅子公仔架勁得意wor~~ 細個果陣唔知邊個同我爸媽講，如果呢個係仔就一定好勁啦！我記到而家...最衰我果陣唔係好識講，比著而家，我仲唔插死果條友！又睇小我呀而家！ 12. 我話我躁底，唔代表我堅躁底。我好似成日鬧人寸人，但有邊次係認真？我唔係d完全唔理人感受既人...我唔係咁捨得咁對自己友。呢d野由親及疏架嘛...好多時我都係為左大家笑下比下反應先鬧下人寸下人，當我自己做唔到一個話題、我又想講下野唔咁摺既時候就會咁做... 被寸被鬧者其實都好玩得，唔介意架。我又會問返佢咁會唔會過份左等等，玩還玩，都唔可以過火位架嘛~~~近期例子有韓耀德同王宏展。 13. 我絕對係一個好好既淨聆聽者。當你覺得有d事講左出黎舒服d，又唔使人點比反應既，就搵我啦。我係一個唔識安慰人同比合適反應既人。不過可能因為咁，大家有d咩都唔會同我講...我又唔sensitive，無人講我真係咩都唔知，但個個都知wor...=.= 好慘呀其實響呢d時候我會唔開心架... 我好樂意聽，如果你地肯同我講，我真係好開心你肯同我share架！真係無咩人會同我講心事...sosad =.= 14. 正能量唔高，無咩信心，覺得自己無優點但缺點大把... 亦到好著重大家點睇我，不過我知道你點睇又唔代表我會改變黎迎合你既...XDD 雖然上面我話 '你覺得我唔得我就得比你睇' 呢d，但真係無人撐我既時候我唔一定撐到落去... 好多野都希望有人支持我，撐我！絕對歡迎任何支持我既說話=] 我表面會好似無乜野咁，但其實我會好開心~~ 15. 有時好開心、覺得好成功既時候，真係想每個攬住錫返啖... 但呢d又唔似係我會做既野，所以我一直都會扮含蓄，同時廢事被蔑視=.= 懶係保返住個形象先 (有咩形象可言)...sosad... 16. 我最鐘意啡、綠、藍、黑四種顏色，全部都係自然系XDD 但我解釋唔到點解我會鐘意啡色...真係無咩人鐘意XD 不過我記得細個果陣鐘意過粉紅、紫同淺藍... 所以而家證明左我唔係姣底架XDDD | 
